Wieland sê nee vir boelies

Die skoonheidskoningin sê sy het as jong meisie onder boelies deurgeloop.

05 May 2020 | Others

Andeline Wieland, skoonheidskoningin: “Hoe meer ons . . . mense aanspoor om teen boelies op te staan, hoe groter die kans om dit stop te sit.”

Swakopmund • [email protected]

Andeline Wieland (24), wat aan The Bachelor South Africa seisoen 2 deelneem, sê alle vorme van afknouery moet teengestaan word sodat boelies stopgesit kan word.

Die Swakopmunder, wat ook Miss Continents 2017 en eerste prinses in Mej. Namibië 2016 was, sê baie moet nog gedoen word om fisieke en emosionele afknouery uit die weg te ruim.

“Hoe meer ons weet oor afknouery, empatie aanmoedig en mense aanspoor om teen die aggressor op te staan, hoe beter die kans om dit stop te sit. Ouers het ook ’n verantwoordelikheid en moet hul kinders aanspreeklik hou,” sê Wieland.

Sy is tans besig met ’n bemarkingsgraad aan die Universiteit Stellenbosch.

Dié model, danser en juwelier sê sy moes as tiener verskeie vorms van afknouery verduur.

“Ek het nie juis omgegee wat ander dink nie, maar toe ek hoërskool toe is, het ek baie onseker begin raak.”

Wieland sê seuns het regtig nie van haar gehou nie.

“Ek onthou hoe mense vir my gesê het ek sou soveel mooier wees as my hare donkerder was en my vel effens bruiner. As ’n meisie van groter postuur as dié om my het my selfbeeld ’n knou gekry.”

Weens al die onsekerheid, sê Wieland, het sy haarself begin sny en bulimie in graad 8 en 9 ontwikkel.



Wieland, wat ’n dramagraad met kabaret as hoofvak aan die Universiteit Stellenbosch verwerf het, vertel sy is in haar eerste talentvertoning op hoërskool van die verhoog af gelag.

“Ek was 13 jaar oud en dit het regtig baie moed geverg om weer voor mense te sing. Ek is ook in graad 11 en 12 deur ’n onderwyser geboelie. Sy het ’n persoonlike vendetta teen my gehad en het my verskeie kere laat misluk tot ek uiteindelik ’n 1-simbool op hoër vlak gekry het vir die vak wat sy in my matriekjaar aangebied het,” sê Wieland.

Toe sy in 2012 die Miss Teen Namibia-skoonheidskompetisie wen, het sy verskeie e-posse ontvang van mense wat haar as ’n verleentheid vir die land uitgekryt het omdat sy glo nie ’n slim model was nie.

“Dit is soveel erger wanneer volwassenes jou boelie, omdat jy niks daaraan kan doen nie,” sê sy.

Sy erken boelies het haar negatief beïnvloed - selfs al het sy daarteen probeer baklei.

“Ek het maar eers die seerkry aanvaar om oor al die pyn en angs te kom. Toe ontwikkel ek ’n ‘veg’-mentaliteit waarmee ek almal verkeerd probeer bewys het. Ek het aanhou probeer tot ek daarin geslaag het om te doen wat mense gesê het ek nie sou kon doen nie.”

Vir ’n ruk het dié taktiek gewerk.

“Ek het drie senuweeineenstortings op hoërskool gehad en uiteindelik depressie en angs op universiteit ontwikkel. Dit het gebeur omdat ek nie geweet het hoe om nie soos ’n mislukking te voel nie,” sê sy.

Wieland het die probleem met behulp van haar ouers oorbrug.

“Hulle het altyd geweet wat in my lewe aangaan en my aangemoedig deur te sê harde werk en toewyding sal jou die wedloop uiteindelik laat wen. Ek het ook nou ’n lewensafrigter en sien ’n sielkundige wanneer ek sukkel om die lig te sien.”

Sy gebruik medikasie vir depressie en om ’n hormonale wanbalans te herstel.

“Ek het geleer dis die beste ding om hulp te vra en kwesbaar te wees. Dit is nie verkeerd om anders te wees nie!”

Hoekom dink sy is daar boelies?

“Ek dink hulle tree op uit hul eie onsekerhede en voel bedreig of jaloers. As iemand anders presteer, maak dit jou van jou eie gebreke en tekortkominge bewus,” sê sy.

Wieland raai mense wat tans slagoffers van afknouery is aan om nie te vergeet wat hul ware waarde is nie en om om hulp te vra.

“Jy is pragtig, maar bang. Ek glo niks in die lewe is toevallig nie. Jy het daardie eienskappe omdat jy iets goeds daarvan moet maak! Ek weet hoe eensaam en hulpeloos ’n mens kan voel, maar glo my, daar is ’n lig aan die einde van die tonnel. Daar is ook niks swak daaraan om hulp te vra nie. Dit verg inderdaad geweldige moed om dit te doen!”

Similar News

 

Namibiese kookboek amper op die rak

1 month - 24 September 2020 | Others

Swakopmund • [email protected] Die Swakop Kosfees is een van die talle geleenthede op die dorp se kalendar wat op innoverende wyse aanhangers moes vermaak...

Politicians pay tribute to Mudge

1 month - 27 August 2020 | Others

Windhoek · [email protected] across the spectrum of Namibian politics have honoured veteran politician Dirk Mudge, who died yesterday at the age of 92. Dirk...

Facebook avatars personalise sharing

1 month - 25 August 2020 | Others

Social media giant Facebook set their platform ablaze with the release of their new avatar feature. Facebook users can now create virtual or digital personas...

Air Nam plans repatriation flights

5 months ago - 21 May 2020 | Others

Swakopmund • eleuschner.az.com.na Air Namibia wants to fly stranded EU citizens in Namibia home in the coming week and at the same time bring...

Armed forces humiliate, assault civilians

5 months ago - 27 April 2020 | Others

Windhoek • [email protected] Namibians hailing from the Erongo and Oshana regions have instituted legal action with the help of lawyer Norman Tjombe against the Namibian...

Fireball over Namibia

6 months ago - 22 April 2020 | Others

On Monday night, many Namibians witnessed a strange phenomenon: A meteor briefly illuminated the heavens at around 21:30 (pictured). Numerous eyewitnesses claim to have observed...

Veilige hawe benodig ondersteuning

6 months ago - 21 April 2020 | Others

Walvisbaai • [email protected] Die Kids Haven-kinderhuis en plek van veiligheid bestaan die afgelope 11 jaar en sorg nou vir 28 kinders, waarvan...

Enhancing financial illiteracy

6 months ago - 01 April 2020 | Others

The Making Finance Work for Africa Partnership (MFW4A) has called on the youth to contribute to the fight for financial literacy by writing an essay...

'Ek is steeds ek'

7 months ago - 17 March 2020 | Others

Walvisbaai Toe Mario Thaniseb (32) sy ruggraat op twee plekke breek in ’n motorongeluk op 24 Desember 2011 het sy lewe vir ewig...

TIDES

1 year - 27 June 2019 | Others

22 December - ThursdayLow 03:57 High 10:37 Low ...

Latest News

Restaurantbedryf langs die kus toon...

1 day - 24 October 2020 | Business

Swakopmund • [email protected] Restauranteurs aan die kus sê dat hulle kwale stadig maar seker besig is om ’n onaangename herinnering te word ná die...

Cricket festival keeps on going

1 day - 24 October 2020 | Sports

Walvis Bay The annual Coastal Cricket Youth Festival sponsored by Walvis Bay Salt Refiners and hosted by Cricket Namibia, is being hosted for...

Covid’s real impact on the...

2 days ago - 23 October 2020 | Economics

The Covid-19 pandemic is a crisis like no other, and there was a substantial degree of uncertainty around its impact on lives and livelihoods. “Governments...

Geingob kommentaar ‘nie haatspraak’

2 days ago - 23 October 2020 | Government

Swakopmund • [email protected] Oomblikke ná President Hage Geingob sy gevoel oor wit stemmers geuiter het, het ’n storm oor sy opmerkings op sosiale media...

Calling all dancers

2 days ago - 22 October 2020 | Art and Entertainment

Walvis Bay •[email protected] The Namibia Dance Sport Academy is hosting the Global Dance Supreme – Namibia online qualifiers from 1 to 3 November...

Sakkie Tsam in the spotlight...

2 days ago - 22 October 2020 | Art and Entertainment

Swakopmund • [email protected] Swakopmund born and bred musician Sakkie Tsam officially kick-started his solo music career with the release of his single Nâma...

BC Stone management responds to...

2 days ago - 22 October 2020 | Labour

Walvis Bay • [email protected] Employees of BC Stone Products Namibia handed over a petition to their management, highlighting grievances pertaining to the company’s...

Land for SDFN

2 days ago - 22 October 2020 | Local News

Swakopmund • [email protected] The Shack Dwellers Federation of Namibia (SDFN) received land from the Swakopmund municipality to build 31 houses. Speaking at the handover,...

Five new Covid cases in...

2 days ago - 22 October 2020 | Health

Health minister Dr Kalumbi Shangula announced 54 new Covid-19 cases and 22 recoveries. He said that 1 061 results were received from the laboratories and...

Load More