Seidler wen sy 'doodstryd' na Tokio

Oopwaterswem

22 June 2021 | Local News

Tielman van Lill – Phillip Seidler het die eerste Namibiër in die geskiedenis geword wat die Olimpiese Spele in die oopwaterdissipline oor 10 kilometer kwalifiseer.

In die swembad het sy landgenote soos Monica Dahl en Jörg Lindemeier onderskeidelik verskynings by twee en drie Olimpiese Speles gemaak, maar Seidler plaas Namibiese oopwaterswem op die wêreldkaart soos nog nooit tevore nie.

Die 24-jarige Swakopmunder het Sondag by FINA, die wêreldbeheerliggaam van swem, se laaste oopwaterswem Olimpiese kwalifiserende byeenkoms in Setubal, Portugal, 25ste in 2 ure 03 minute 11.20 sekondes geëindig.

Hy het sodoende die elfde Namibiër geword om vir die naderende 2021 Olimpiese Spele in Tokio, Japan, te kwalifiseer.

Sy 25ste posisie mag dalk so-so klink, maar dit was 'n skrale 63 sekondes agter Hector Pardoe van Brittanje, wat in 2:02:07.5 gewen het. Tweede was Athanasios Kynigakis van Griekeland (2:02:13.0) en die Brit Tobias Robinson (2:02:13.0) wat met 'n fotobeslissing derde geplaas is en nie vir die Olimpiese Spele kwalifiseer nie, omdat elke land net een swemmer mag stuur.

Seidler het gister aan Republikein gesê: “Ek is nog steeds in 'n beswyming ná Sondag se resies. Weens uitputting is ek nog besig om te herstel en kan nie behoorlik dink nie.

“My kwalifikasie vir Tokio is 'n droom wat ná agt jaar se toewyding, opoffering en bitter harde werk bewaarheid is. Ek het Sondag opnuut geleer dit is onmoontlik om geestelik vir die tipe kompetisie voor te berei.

“Fernando Possenti van Brasilië, viermalige FINA-oopwaterafrigter van die jaar, het my gewaarsku dit gaan 'n oorlog wees. Hy het vir my gesê daar is geen oopwaterkompetisie in die wêreld wat so taai en fisiek is as die laaste kans om vir die Olimpiese Spele te kwalifiseer nie.

“Dit was 'n oorlog. Ek het myself nog nooit tevore in 'n oopwaterswemkompetisie so ver verby my menslike vermoëns gedryf nie. My liggaam het ná die tyd in skok gegaan en ek het geestelik en fisiek ineengestort. Ek moes mediese behandeling ontvang en is op 'n drup geplaas.

“Die swemmers doen alles moontlik in hul vermoë om teenstanders te intimideer, selfs deur hulle te slaan. My gesig en dele van my lyf is blou en my hande ook. Ek moes terugbaklei, anders het ek dit nie gemaak nie.
“Twee swemmers is so erg beseer dat hulle met frakture tou opgegooi het. Die een swemmer van Egipte se swempak is aan vodde geskeur en het begin water lek. Hy moes halt roep, want sy pak het te swaar van die water geword.

'VOEL SOOS PADONGELUK'

“My liggaam het ná die eerste baanrondte klaar gevoel of ek in 'n padongeluk was. My swembril se linkerkantste lens is stukkend geslaan en het vol water geloop. Ek het die laaste ses kilometer met een oog geswem.

“Die water was rof en die wind was sterk. Vreemd genoeg is ek egter een van die min swemmers wat in dié tipe toestande floreer. Ons het vyf rondes van twee kilometer geswem. My taktiek was soos in die verlede om die eerste vyf kilometer bestendig te swem en dan geleidelik na die einde te versnel.

“Die verskil tussen wen en verloor was oor die laaste 190 meter met 'n voluit resies na die eindstreep beslis. As jy in 'n bondel vasgevang is en nie betyds kan wegkom vir 'n goeie posisie nie, is dit is moeilik om opponente verby te steek.

“Die resies was ongelooflik hard en taai. Ek het nog nooit in my lewe so swaar gekry nie. Ek het my Sondag tien keer harder as ooit tevore gedryf. Ek het myself tot die dood aangespoor. Dis hoe dit vir my gevoel het; ek kon net sowel daar in die water gesterf het.
“Ek is baie bly en geweldig trots. Ek is van The Land of the Brave en sal Namibië trots in Tokio verteenwoordig. Ek kom (Woensdag) in Windhoek aan en sal die res van die week by die fisio en biokinetikus spandeer. Maandag sal ek weer voluit oefen.

“Ek dra my kwalifikasie op aan Sean Laubscher, my mentor wat vroeër vanjaar oorlede is. Hy het altyd in my geglo en aangespoor en gesê ek sal kwalifiseer.

“Dit gaan vyf harde weke voor die Spele wees, want daar is nog heelwat dingetjies waaraan ek wil skaaf om beter in Japan te vaar. Ek wil my ma (Nadja) bedank vir al die eindelose ure wat sy bestee het om my af te rig asook my pa Helmut vir sy finansiële steun. Baie dankie aan almal wat in my geglo het en my ondersteun het.”

Slegs 15 plekke vir Tokio was nog by dié byeenkoms beskikbaar. Die Afrika-swemmers in die resies het soos volg geëindig: 10de die 37-jarige Oussama Mellouli van Tunisië (2:02:55.60), die 2012 Olimpiese kampioen in die 1500 meter, het vir sy vyfde Spele gekwalifiseer; 11 Michael McGlynn van Suid-Afrika (2:02:56.70); 25 Phillip Seidler; 28 Malek Louissi (2:04:03.80); 34 Mathieu Ben Rahou van Tunisië (2:05:27.20); 35 Henré Louw van Suid-Afrika (2:05:28.40).

Die uitsoekgroepie 10 km oopwater­swemmers wat vir die Olimpiese Spele kwalifiseer: 1 Hector Pardoe (Brittanje), 2 Athanasios Kynigakis (Griekeland), 3 Matan Roditi (Israel), 4 Kai Graeme Edwards (Australië), 5 Taishin Minamide (Japan), 6 Tiago Campos (Portugal), 7 Kirill Abrosimov (Rusland), 8 David Farinango (Ecuador), 9 Oussama Mellouli (Tunisië), 10 Michael McGlynn (RSA), 11 Daniel Delgadillo (Mexiko).

Voeg hierby die finale vier kontinentale kwalifiseerders: 12 Matej Kozubek (Tsjeggië, Europa), 13 Hau-Li Fan (Kanada, Amerikas), 14 Phillip Seidler (Namibië, Afrika), 15 William Yan Thorley (Hongkong, Asië).

[email protected]

Similar News

 

Govt pays N$100m for Swakop hotel

1 day - 03 August 2021 | Local News

Windhoek ∙ [email protected] has approved a N$100 million purchase of the foreign-owned stake in Swakopmund Hotel and Entertainment Centre, after months of protracted negotiations.The hotel...

Home affairs minister, police chief patrol coastal streets

1 day - 03 August 2021 | Local News

Walvis Bay • [email protected] The minister of home affairs, immigration, safety and security Dr Albert Kawana accompanied by the inspector general of the...

Vandale pluk uitkykpunt se vere

1 day - 03 August 2021 | Local News

Meer as N$1 miljoen is belê in die Bird Paradise-projek wat sowat 1,3 km vanaf die Walvisbaai-sirkel en teen die C14-pad na die internasionale lughawe...

ECS kry nog 'n helpende hand

1 day - 03 August 2021 | Local News

Hentiesbaai • [email protected]á 'n toename in misdaad op Hentiesbaai, streef Erongo Community Services (ECS) nou om die veiligheid van die dorp te verbeter. Mnr....

Sorg vir verlate honde

2 days ago - 02 August 2021 | Local News

Swakopmund • [email protected] Mense met troeteldiere wat moet isoleer weens Covid, sit soms het hul hande in hul hare om nog steeds vir hul...

Swakopmunders warned to control pets

3 days ago - 01 August 2021 | Local News

Swakopmund • [email protected] The Swakopmund municipality issued a reminder to residents that their pets should be kept on leashes and under control when not...

CBD hotel home to vaccination point

6 days ago - 29 July 2021 | Local News

Swakopmund • [email protected] Hotel Zum Kaiser in Swakopmund’s central business district (CBD) now accommodates a vaccination point in the conferencing facility of the classy...

New school for Walvis Bay on the cards

1 week ago - 28 July 2021 | Local News

Walvis Bay • [email protected] After Walvis Bay municipal councillors previously disagreed on the selling price of land to Prosperity School Properties, a recommendation...

Howard declares Covid Task Force expenditures

1 week ago - 27 July 2021 | Local News

The chairperson of the Erongo Regional Council, Ciske Howard, has declared the costs attached to the 15-bed Covid-19 care facility set up by her Covid...

Liefdadigheid ken geen perke

1 week ago - 27 July 2021 | Local News

Walvisbaai • [email protected] Die Suid-Afrikaanse vlog-paar, Kareen en Louis Broodryk, of beter bekend as Fearless on Four Wheels, is tans op reis deur...

Latest News

You should mask up properly

1 hour ago | Business

Swakopmund • [email protected] QKR Namibia Navachab Gold Mine donated more than 37 000 face masks worth an estimated N$100 000 to the Erongo...

Over 70 000 Namibians await...

1 hour ago | Health

Windhoek ∙ [email protected] is scratching its head in the face of a vaccine crisis, with about 70 000 Namibians waiting for their overdue second dose...

‘Popping’ is out

2 hours ago | Art and Entertainment

Walvis Bay • [email protected] Producer Eduardo “ESB” Riobo has teamed up with fellow coastal artists Salvador Mouers and Eldino “Gemini” Majiedt for the track “Popping”,...

DRC fire victims get new...

2 hours ago | Ministries

Swakopmund • [email protected] The minister of home affairs, immigration, safety and security Albert Kawana recently handed over 33 identity documents (IDs) and birth certificates...

Suspected stock thieves on the...

2 hours ago | Crime

The police confirmed an incident of stock theft that took place at farm Waldheim between Thursday last week and Sunday, in the Karibib district. According...

Climate Ambassador Toolkit released

2 hours ago | Education

The global organiser of Earth Day, EARTHDAY.ORG, released the Africa Climate Ambassador Toolkit in partnership with a cohort of Sub-Saharan, youth-led organisations including Liberian Youth...

Fuel prices remain unchanged

1 day - 03 August 2021 | Energy

The ministry of mines announced that it will not adjust fuel prices given current economic circumstances, but warned that this may be short-lived.At the moment,...

Govt pays N$100m for Swakop...

1 day - 03 August 2021 | Local News

Windhoek ∙ [email protected] has approved a N$100 million purchase of the foreign-owned stake in Swakopmund Hotel and Entertainment Centre, after months of protracted negotiations.The hotel...

Home affairs minister, police chief...

1 day - 03 August 2021 | Local News

Walvis Bay • [email protected] The minister of home affairs, immigration, safety and security Dr Albert Kawana accompanied by the inspector general of the...

Load More