Deur God geseën

’n Ma se besluit om haar dogter van kleins af te leer om vir ander om te gee, ongeag hul agtergrond, het al talle families oraloor die land gehelp.

21 July 2019 | People

Windhoek • Yolanda Nel



Nadat ’n ma self ervaar het hoe vinnig babas uit hul klere groei, kon sy nie help om te wonder hoe behoeftige ouers dié uitgawe bekostig nie.

“Ek het met die idee vorendag gekom dat behoeftige families ’n boks van hulle kinders se klere wat te klein is, vir my gee in ruil vir ’n boks met klere wat hulle sal pas,” vertel Ilanza Klein van die Azaria - Restoring Faith-gemeenskapsprojek.

Die projek is vroeg in 2016 begin. “Azaria beteken ‘geseën deur God’ of ‘God het gehelp’,” verduidelik sy en voeg by dat dit ook haar dogter se tweede naam is. “Ek het besluit om haar van ’n jong ouderdom af te leer om vir ander mense om te gee, maak nie saak wat hulle agtergrond is nie.”

Die grootoog-kleuter het vanjaar haar ma begin help met aflewerings na die gemeenskap. “Dit is ook deel van haar vereistes om aan skoonheidskompetisies deel te neem, waar liefdadigheidswerk ’n baie groot rol speel.”

Hoewel Ilanza nie kan sê hoeveel bokse al deur haar hande is nie, kan sy met sekerheid sê dat die bokse al oral in die land afgelewer is.

“Van die kus tot Windhoek tot die Noorde, dan weer terug na die Suide is al gehelp. Ons bokse reis deur die hele Namibië en ek sou jok as ek sê ek tel hoeveel families ons al gehelp het. Wat ek wel kan sê, is dat ons aanhou groei,” vertel sy.

Behoefte neem toe

Haar sosialemediablad groei maandeliks en die versoeke raak al hoe meer. “Ek moes begin het om administrateurs op Facebook aan te stel wat in verskillende dorpe bly om met die navrae te help, want ek kan nie voorbly nie,” sê Ilanza.

Sy het wel besef as ’n gemeenskap kan almal mooi saamwerk as die wil daar is.

Met hierdie soort liefdadigheidswerk is jou oë wawyd oop vir hoe groot die nood in die land is. “Hierdeur leer ek dankbaarheid. Ek wil ook graag Namibiërs wat in die posisie is om te kan help, wys hoe groot die nood onder ons eie mense is. Ons sien altyd net die stories van die behoeftiges in ons buurlande, maar vergeet in ons land lyk dit ewe droewig en hartseer. Ons vergeet om rondom ons te kyk.”

Volgens haar begin ‘n mens klein. “Wees bewus van die maats by die skool waar jou kinders skoolgaan, stuur ’n ekstra toebroodjie saam vir ’n maatjie wat dalk nie een het nie.”

Illanza is trots op haar mede-Namibiërs wanneer daar om hulp gevra word. “Dit is asof mense wat al self swaar gekry het, die meeste wil gee en help.”

En wanneer die publiek hul harte en beursies oopmaak, leer sy dat ons tog in moeilike tye kan saamstaan, ongeag velkleur, en dit is vir haar wonderlik om te beleef.

Trane sluk

Sy moes wel leer om nie emosioneel betrokke te raak by die mense wat sy help nie, anders het sy al lankal tou opgegooi. “Die familie moet nooit in ’n ongemaklike posisie geplaas word nie en dan moet jy maar jou emosies sluk.”

Sy word gereeld gekonfronteer met stories van verkragting van jong kinders en kinders wat weggeneem is van hulle ouers, asook die ekonomiese krisis wat sy tol op baie Namibiërs eis. “Ons versoeke op sosiale media het die afgelope jaar verdubbel. Dit strek oor verskeie rassegroepe en uiteenlopende ekonomiese agtergronde,” sê sy.

Maar van al hierdie versoeke, bly ‘n spesifieke een klou. “Ons is genader om hulp vir ’n seuntjie, en ons het donasies soos kos en klere aan hom geskenk. Hy is ongelukkig ’n paar dae later weens sy beserings oorlede,” vertel sy hartseer.

Dit is juis hoekom sy die gemeenskap aanhoudend op haar sosialemediablad aanmoeding om nooit stil te bly oor kindermishandeling nie. “Ons is die stem van die weerloses. Die onskuldige kinders ly altyd daaronder weens onverantwoordelike volwassenes.”

Tussen al hierdie seer bly dit lekker om te weet sy maak ’n verskil in baie families te lewe. “Dis ’n bietjie meer hoop en nuwe moed wat ons onder mekaar skep,” sê sy.

Volgens haar kan diegene wat skenkings ontvang, met nuwe moed na die lewe kyk nadat hulle na daaraan was om op te gee.

Sy is dankbaar vir die families wat haar weer kontak sodra dit met hulle beter gaan. “Ek het kontak met meeste van die families, in goeie en slegte tye, en dit gee natuurlik nuwe moed as ek hoor dit gaan weer bietjie beter met hulle.”

Ilanza put inspirasie daaruit om maniere te vind om haar passie en doelwitte te verbind. “Dit is wanneer jou hart en siel tegelykertyd saamwerk en jou inspireer en aanspoor om aksie te neem.”

Indien jy wil betrokke raak of ’n behoefte het, kan Ilanza via haar Facebook-blad gekontak word.

Similar News

 

A smooth sea never made a skilled sailor

2 months ago - 07 July 2021 | People

Windhoek ∙ Monique AdamsMarek Lipowski never saw himself working in an office or sitting in traffic; rather, he always wanted to work outdoors and away...

Tributes for late Surtie-Richards pour in

3 months ago - 17 June 2021 | People

Swakopmund • [email protected] The Namibian film and theatre industry has reacted to the passing of well-known South African actress Shaleen Surtie-Richards.The television, film...

Dennis en sy beste vriend

3 months ago - 29 May 2021 | People

Hentiesbaai ∙ [email protected] Mnr. Dennis Seibeb (36) en sy hond Brownie is bekendes in Hentiesbaai waar hulle tuis is.Seibeb is van Henties, hoewel hy...

From Walvis Bay, to au pairing in Netherlands

7 months ago - 18 February 2021 | People

Walvis Bay • [email protected] Jane-Ley Antoncich (23) recently returned from overseas where she spent a year and a half as an au pair....

‘Kaptein Carlo Gordon, ons held’

7 months ago - 15 February 2021 | People

'n Jaar gelede is Walvisbaai se inwoners tot stilstand geruk toe dit op 18 Februarie bekend geword het dat die Resplendent, onder die stuur van...

Capturing true emotions

10 months ago - 19 November 2020 | People

Swakopmund • [email protected] Nicky Karihinga (26) says that photography and videography in the country has evolved to another level.The creative Swakopmund resident, who owns Karihinga...

UN Namibia releases A Day in the Life of...

10 months ago - 12 November 2020 | People

Celebrating the 75th Anniversary of the United Nations, UN Namibia launched the video A Day in the Life of a Namibian Child, starring three school-age...

Beauty, brains and talent

10 months ago - 12 November 2020 | People

Walvis Bay • [email protected] The annual Mr and Miss Face of Namibia pageant was recently hosted in Windhoek. Amongst the participants was a...

Walvis Bay Private High principal bids farewell

1 year - 15 September 2020 | People

Walvis Bay •[email protected] Walvis Bay Private High School (WBPHS) bid farewell to their long-serving principal Estelle Eigelaar on 31 August 2020.Eigelaar retired as school principal...

A life spent reaching for the stars

1 year - 28 August 2020 | People

World-renowned Namibian scientist Dr Japie van Zyl, who passed away this week following a heart attack in Pasadena, California in the United States, has been...

Latest News

Hit-and-run victim dies

1 hour ago | Accidents

Walvis Bay A man (62) who was bumped and left at the accident scene, succumbed to the injuries he sustained. Inspector...

Port security strengthened

2 hours ago | Infrastructure

Walvis Bay •[email protected] Namibia is the first country in SADC that boasts a Container Control Programme (CCP) funded by the United States government...

Rugby action in Walvis Bay...

2 hours ago | Sports

Walvis Bay •[email protected] After months of no contact sports due to Covid-19 regulations, coastal fans once again saw some rugby action. The Kudu...

Cuff, Van Der Schyff crowned...

15 hours ago | Sports

Swakopmund • [email protected] The 2021 Seawork Gravel Grinder took place at the Moonlight Resort on Saturday.The event comprised 80km, 50km and 30km cycling races...

Suspected thief shot during robbery...

22 hours ago | Crime

Henties Bay The police in the Erongo region are investigating a case of murder and housebreaking with the intent to steal in...

Welcome boost for vultures ...

22 hours ago | Local News

Swakopmund • [email protected] China National Nuclear Corporation (CMMC) Rössing Uranium donated N$50 000 to the non-profit organisation Vulture Namibia, which carries out conservation work...

The Toyota Urban Cruiser Xs

22 hours ago | Motors

The Urban Cruiser, introduced earlier this year, has found great favour with the public. Racking up over 900 sales each month, its blend of space,...

Quality teaching in a quality...

22 hours ago | Education

Last year, the German embassy in Windhoek was approached by the German, Afrikaans and French language departments of the University of Namibia (UNAM) with regards...

Namibian go-kart racers off to...

23 hours ago | Sports

Swakopmund • [email protected] A number of Namibian go-kart racers will compete at the ROTAX Africa Open 2021 scheduled to take place in...

Load More