Alles wat mooi is

Wat begin het as ’n bron van ekstra inkomste, is nou ’n volwaardige besigheid.

04 August 2019 | People

“As iemand iets goeds of mooi vir jou gedoen het, is die mooiste manier om dankie te sê om dit weer vir die volgende persoon te doen.” Monica Rossouw, Entrepreneur

Windhoek • Yolanda Nel

As die ekonomie begin knyp, dan doen jy wat jy kan om ’n ekstra geldjie te verdien.

Só het dit gebeur dat ‘n plaaslike vrou nou ’n groeiende besigheid het.

Monica Rossouw en haar familie het drie jaar gelede hul eie besigheid op die platteland gehad, maar met die droogte en die moeilike ekonomiese toestande, moes hulle ander opsies begin oorweeg om ’n ekstra inkomste te verdien.

“Ek het ’n vrou van Pretoria ontmoet wat die mooiste hout fotorame maak wat baba’s se geboorte-inligting bevat - van hoeveel die kleintjie weeg en hoe lank hy of sy is, tot die tyd wat hulle gebore is,” vertel Monica.

Sy het vir haar twee seuns elk ’n raam laat maak en het gedink dat ander Namibiërs dalk ook in hierdie soort produkte sou belang stel. Sy het bestellings begin neem en die produkte van Suid-Afrika laat invoer “en so het Mooi-Mooi begin”.

Die naam Mooi-Mooi spruit uit hoe sy haar seuntjies aanmoedig as hulle iets goeds doen. “Dis waar my storie begin het. Ek verkoop tot vandag toe nog daardie selfde vrou se fotorame.”

Groei

’n Jaar en ’n half later het Mooi Mooi uit sy nate begin bars.

Benewens die feit dat hulle intussen talle ander verskaffers se dienste ook ingewin het, het hulle twee masjiene aangeskaf om hul eie houtprodukte te begin maak.

“Ons het besef dat die wagtyd vir van die kliënte te lank was en daarom het ons besluit om ook met ons eie produkte vorendag te kom,” vertel sy.

En sy is nie spyt nie.

Die familie glo die engeltjies het goed na hulle omgesien. “Twee jaar gelede het ons die besigheid op die platteland toegemaak en ek was dankbaar om vinnig weer in Windhoek werk te kry,” vertel sy. Mooi-Mooi was toe nog net ’n ekstra inkomste wat sy nauurs bedryf het. Dit was eers toe haar man verlede jaar sy werk verloor het, dat hulle besluit het hy kan haar met die houtwerk help. “Nou is dit meer as ’n jaar en ’n half later en hy is nog steeds voltyds betrokke terwyl ek moet werk toe gaan,” sê sy met ’n glimlag.

Hulle spog ook nou met ’n klein werkswinkel by die Ferreira’s-kwekery in Windhoek.

Vir Monica is verskeidenheid baie belangrik en bied hulle dus baie produkte aan, wat alles van blikke, plekmatjies, koekie- en beskuithouers tot muurhorlosies, skinkborde, krale, oorbelle en ander bykomstighede insluit.

Hulle “juffrou”-sakke is ook baie gewild.

Daarmee saam is hulle ’n agent vir Ugears, wat houtmodelle verkoop wat jyself aanmekaar kan sit, wat ure se genot veral vir die ouer garde verskaf. “Ons verpersoonlik ook ons produkte en maak dae soos Valentynsdag, Moedersdag, Vadersdag en Kersfees ekstra spesiaal,” sê sy.

Volgens Monica probeer sy haar kliënte nuuskierig hou en is sy gereeld besig om met nuwe idees vorendag te kom.

Inspirasie

Sy put inspirasie uit ’n verskeidenheid internet-bronne.

“Partykeer is dit so besig ons kan nie op nuwe produkte fokus nie. Maar sodra die stof gaan lê, dan begin ons rondspeel.”

Die lekkerste deel van haar werk is wanneer mense dit wat hulle skep, waardeer. “Of as iemand na ons toe kom met ’n idee van wat hulle wil hê, ons dit maak en dit hulle verwagtinge oortref,” sê sy opgewonde.

Monica word geïnspireer deur mense wat bo hul omstandighede uitstyg om iets te bereik. “Mense wat nie sit en wag vir die lewe om met hulle te gebeur nie, maar opstaan en iets doen,” vertel sy.

Sy is ’n voorstander van “paying it forward”.

“As iemand iets goeds of moois vir jou gedoen het, is die mooiste manier om dankie te sê om dit weer vir die volgende persoon te doen.”

Die Rossouws het nog groot drome in die pyplyn.

“As dit realiseer, kan ons weer bietjie asem skep en dinge kan hopelik bietjie rustiger gaan.”

Van dié planne sluit in om meer op die aanlyn winkel te fokus. En vir die produkte wat hulle nie self maak nie, soek hulle beslis spasie om ekstra voorraad aan te hou. “Ons wil beslis groei, hopelik binne die volgende twee jaar. Ons het Mooi-Mooi gebou van niks tot iets; dit kan net beter gaan.”

Hou hulle Facebook-blad dop vir nuwe idees en kyk uit, hulle is binnekort by ’n mark naby jou.

Similar News

 

Walvis Bay Private High principal bids farewell

1 month - 15 September 2020 | People

Walvis Bay •[email protected] Walvis Bay Private High School (WBPHS) bid farewell to their long-serving principal Estelle Eigelaar on 31 August 2020.Eigelaar retired as school principal...

A life spent reaching for the stars

1 month - 28 August 2020 | People

World-renowned Namibian scientist Dr Japie van Zyl, who passed away this week following a heart attack in Pasadena, California in the United States, has been...

Ma vertel van hul kronkelpad

5 months ago - 06 May 2020 | People

Swakopmund • [email protected] Sewe jaar gelede het Huipie van Wyk se lewe onherroeplik verander toe haar jongste dogter, Elandri, gebore is.Elandri ly aan serebrale...

Dokter draf vir Hands of Hope

5 months ago - 28 April 2020 | People

Swakopmund • [email protected] ’n Dokter het Saterdag sy drafskoene aangetrek en 122km kaf gedraf – en dit vir liefdadigheid. Dr. Keletso Nyathi het 13...

Matheus to launch CBK Safari line

11 months ago - 28 October 2019 | People

Swakopmund • Adolf Kaure Kaino Ipuleni Matheus (29), aka Kim, is taking the local fashion industry by storm. Kim is the creative executive at...

Onderburgemeester nou lid van Rotariërs

1 year - 27 September 2019 | People

Swakopmund • Iréne-Mari van der Walt Die onderburgemeester van Swakopmund, Maria Elago, is hierdie week as ‘n lid van die Rotariërsklub Swakopmund ingehuldig.“Die doel...

Purpose driven beauties

1 year - 11 August 2019 | People

Walvis Bay Leandrea Louw The reigning Miss Teen Walvis Bay, Dominique Bouwer, and the first ever Miss Pre-Teen Walvis Bay, Malinda Bam, discussed...

The heart of a champion

1 year - 28 July 2019 | People

Walvis Bay • Adolf Kaure At the tender age of 15, Delano Müller has conquered the world of martial arts. Müller, who is currently a...

Deur God geseën

1 year - 21 July 2019 | People

Windhoek • Yolanda Nel Nadat ’n ma self ervaar het hoe vinnig babas uit hul klere groei, kon sy nie help om te wonder...

The art of making real life baby dolls

1 year - 07 July 2019 | People

Walvis Bay Leandrea Louw Humankind never ceases to amaze when it comes to innovation, with the latest creation being real life baby dolls. Magdel...

Latest News

Vroue blink uit in politiek

13 hours ago | Politics

Swakopmund • [email protected] se komitee vir vrouebelange het Saterdagoggend ’n mylpaal gevier: Vyftien vroue van die Erongostreek sal onder die vaandel van die party deelneem...

Prediger to share on Pangolins

13 hours ago | Events

Pangolins are considered the most trafficked mammal in the world, but very little research on this mammal and its behaviours have been done.Despite this, many...

Reshaping realities

16 hours ago | Economics

The Covid-19 pandemic has undoubtedly eroded the overall improvement in risk-reward scores seen across Africa in recent years, but this should not deter investors. Africa’s...

Four new Covid positive cases...

20 hours ago | Health

The minister of health and social services Dr Kalumbi Shangula announced 78 new cases and 27 recoveries. Shangula explained that 1 150 results were...

Restaurantbedryf langs die kus toon...

1 day - 24 October 2020 | Business

Swakopmund • [email protected] Restauranteurs aan die kus sê dat hulle kwale stadig maar seker besig is om ’n onaangename herinnering te word ná die...

Cricket festival keeps on going

1 day - 24 October 2020 | Sports

Walvis Bay The annual Coastal Cricket Youth Festival sponsored by Walvis Bay Salt Refiners and hosted by Cricket Namibia, is being hosted for...

Covid’s real impact on the...

2 days ago - 23 October 2020 | Economics

The Covid-19 pandemic is a crisis like no other, and there was a substantial degree of uncertainty around its impact on lives and livelihoods. “Governments...

Geingob kommentaar ‘nie haatspraak’

2 days ago - 23 October 2020 | Government

Swakopmund • [email protected] Oomblikke ná President Hage Geingob sy gevoel oor wit stemmers geuiter het, het ’n storm oor sy opmerkings op sosiale media...

Calling all dancers

3 days ago - 22 October 2020 | Art and Entertainment

Walvis Bay •[email protected] The Namibia Dance Sport Academy is hosting the Global Dance Supreme – Namibia online qualifiers from 1 to 3 November...

Load More