Klein idee, groot verskil

’n Vindingryke oogkundige het met ’n eenvoudige idee vorendag gekom om die gebruik van plastiek te verminder.

15 October 2018 | Health

“Al die plastiek wat al ooit vervaardig is, elke liewe stukkie, bestaan steeds.” - Michelle Beeker, oogkundige

Yolanda Nel

’n Oogkundige het besef Namibië het die wêreldwye reuse-plastiekprobleem nie vrygespring nie, en die land moes lankal reeds iets doen om te verseker dit ruk nie verder handuit nie.

Om dié rede het Michelle Beeker van Luca Optics op Okahandja besluit haar praktyk sal ’n verskil maak.

“Al die plastiek wat al ooit vervaardig is, elke liewe stukkie, bestaan steeds. En dis te erg,” sê sy.

Hoe meer Michelle hieraan gedink het, hoe meer het sy besef die hele oogkundebedryf bestaan meestal uit plastiek. Die grootste sondaar is brilkassies.

“Wie gebruik regtig meer as die een keer van die motor tot by die huis, hul kassies?” het sy haarself afgevra.

Vandaar die besluit om herwinbare brilkassies van karton te maak.

“Die idee en die rowwe skets was dalk vyf minute se dinkwerk, en 45 minute later was die eerste prototipe in my hand,” lag sy.

Dis toe wat sy besef dít is al wat nodig is om ’n verskil te maak.

“Jy het nie ure se harde werk nodig nie. Die doodeenvoudigste idee help ook.”

Die produk is heeltemal organies en word in ’n fabriek op Okahandja gemaak. “Dit is sterk genoeg en verpak ook makliker,” sê Michelle.

Daar is nege verskillende kleure en ontwerpe om van te kies. “Wanneer jy dit nie meer wil hê nie, gooi jy dit eenvoudig in jou braaivleisvuur,” sê sy.

Dit kan egter ook teruggeneem word na die fabriek waar ’n nuwe kassie daaruit gemaak kan word.

Nog ’n voordeel is die feit dat dié brilkassies aansienlik goedkoper is as gewone brilkassies, en hoewel die kliënt dit nie aan sy of haar sak voel nie, voel die maatskappy dit wel.

Michelle voel dis haar roeping om die gebruik van plastiek in Namibië te help verminder.

“Enigiemand wat dit wil hê, kan my kontak. Ander oogartse kan bestellings by my plaas, want saam gaan ons die ding te bowe kom.”

Sy besef hierdie idee is maar ’n druppel in die emmer van veranderinge wat in hierdie bedryf moet plaasvind om ’n groter impak te maak. Maar die belangrikste ding bly steeds om iets te doen om ’n verskil te maak, maak nie saak hoe gering nie.

Plastiek se impak

Wanneer plastiekprodukte afbreek, breek dit in klein mikropartikels af. Indien plastiek in die oseaan beland, dryf dit bo-op. Volgens CNN, wat onlangs ’n insetsel oor die Midway-ringeiland in Amerika uitgesaai het, tree dié partikels soos ’n spons vir ander gifstowwe – soos plaagdoders – op.

Dit breek nie verder af nie. Boonop is sekere stukkies só klein, dit kan selfs die weefselmembraan van visse binnedring.

“Dit is nie net skadelik vir die vis se voortplanting, immuniteit of oorlewing nie, ons eet boonop hierdie visse sonder dat ons weet wat daarmee saam kom,” het CNN berig.

Dit beteken plastiek, ongeag tot watter mate, is deel van ons voedselketting. Boonop gebeur dieselfde met ons waterbronne. Volgens ’n studie deur die Wêreldgesondheidsorganisasie (WHO) wat in Maart vanjaar gepubliseer is, is mikroplastiek in 90% van gebottelde water gevind.

In ’n berig deur The Guardian oor dié studie, is die hoeveelheid mikroplastiek in gebottelde water twee keer meer as in kraanwater. In 259 bottels uit 19 plekke in nege land en onder 11 handelsname is ’n gemiddeld van 325 partikels per liter water gevind. Die algemeenste soort plastiek wat gevind is, is polipropileen, wat grotendeels gebruik word om botteldoppies mee te maak.

In nog ’n artikel wat The Guardian verlede September gepubliseer het, het 83% van kraanwatermonsters ook plastiekvesel bevat.

Volgens Michelle dui navorsing daarop dat alle waterbronne in die wêreld hierdie vesel bevat.

Die pad vorentoe

’n Plaaslike koerant het verlede week berig nege miljard ton plastiek is wêreldwyd sedert 1950 gelewer, wat sewe miljard ton se afval veroorsaak. Dit het veral maatskappye laat regop sit oor hul bydrae tot die gemors.

Bioplastiek, wat van plante gemaak word, is ’n uitstekende alternatief. Dit is ook meer omgewingsvriendelik en volhoubaar. Groot handelsname soos Coca-Cola, Unilever, Danone en Nestle het begin om van bioplastiekverpakking te gebruik.

“As almal net klein begin en ’n bietjie doen, sal dit reeds ’n groot impak hê,” sê Michelle.

Similar News

 

Unique partnership benefits hospital

2 months ago - 16 June 2019 | Health

Swakopmund - Otis Finck Steckels Toyota resolved to partner with and address a number of maintenance issues at the Swakopmund State Hospital. Rene...

Focus on menstrual health

2 months ago - 09 June 2019 | Health

Swakopmund - Adolf KaureMenstrual Hygiene Day was commemorated for a second time in the country at the Swakopmund Secondary School hall recently. Information to assist...

Living with lupus

3 months ago - 20 May 2019 | Health

Walvis Bay - Karl Philander Community members staged a march on World Lupus Day commemorated on Friday 10 May to raise public awareness about...

Tackling hepatitis E

3 months ago - 20 May 2019 | Health

Service at clinic deplorable

4 months ago - 15 April 2019 | Health

The current clinic in Narraville resembles a two-bedroom house and it urgently needs to be expanded, residents informed Walvis Bay council members during a discussion...

Tackling the hepatitis E outbreak

4 months ago - 08 April 2019 | Health

Walvis Bay - Otis Finck The ongoing outbreak of hepatitis E in several parts of the country prompted a proactive approach by the...

NSIF continues to invest in Namibia

4 months ago - 29 March 2019 | Health

The Namport Social Investment Fund (NSIF) last year responded to the plight of expectant mothers in and around Usakos by commissioning the construction of a...

Hepatitis E hits harbour town

5 months ago - 18 March 2019 | Health

The municipality of Walvis Bay called on residents not to panic in the wake of a reported hepatitis E outbreak in the coastal town. More...

Children with cancer to benefit from Spray-a-Thon

5 months ago - 11 March 2019 | Health

Adolf Kaure - The countrywide Cancer Association of Namibia (CAN) Spray-a-Thon commenced at the coast recently.The CAN Erongo office stationed volunteers at the Platz Am...

WHO supports fight against hepatitis E

5 months ago - 04 March 2019 | Health

SUBBED BY MINETTE Otis Finck - The World Health Organisation (WHO) will provide assistance to community members of the DRC settlement in Swakopmund...

Latest News

Raak liries oor 'Suidwes'

4 days ago - 19 August 2019 | Supplements

Die vyftiental Suid-Afrikaanse ­musikante wat die verhoog gaan deel by hierdie jaar se Hentiesfees, sluit onder andere die sangeres Jezelle, bekend vir haar liedjie “Suidwes”,...

Henties Bay is where /Honeb's...

4 days ago - 19 August 2019 | Supplements

There is much more to Henties Bay than it simply being known as fishing haven, holiday resort and a retirement village, says the mayor of...

Feesprogram

4 days ago - 19 August 2019 | Supplements

Vrydag 23 Augustus 2019 09:00 Hekke open ...

TOURIST ATTRACTION

4 days ago - 19 August 2019 | Supplements

Many fishing trawlers have sunk off the Henties Bay coast, but very few wrecks are still ­visible today because of the onslaught of the elements....

'Jive' saam met Jo

4 days ago - 19 August 2019 | Supplements

Jo Nichol (38) is 'n man van vele talente. Hy tree nie net as musikant en seremoniemeester by vanjaar se Hentiesfees op nie, maar sorg...

Lus vir iets Anders?

4 days ago - 19 August 2019 | Supplements

Wynand en Lindi Delport het aan die einde van 2007 in die huwelik getree en die jaar daarna saam begin musiek maak as die duo...

Vaughn vier saam Hentiesfees

4 days ago - 19 August 2019 | Supplements

Die Namibiese sanger, kitaarspeler en liedjieskrywer Vaughn Ahrens is geen vreemdeling by die Hentiesfees nie. Vanjaar sluit twee nuwe gesigte by hom op die verhoog...

DIE GALG WAG

4 days ago - 19 August 2019 | Supplements

Besoekers aan vanjaar se Hentiesfees wat nog nie 'n draai by Die Galg gemaak het nie, kan gerus gaan kyk. Die Galg is berug oor...

Mini-reünie op Hentiesbaai

4 days ago - 19 August 2019 | Supplements

Caroline Grace sal by vanjaar se Hentiesfees weer eens die verhoog met Fatman deel - nes hulle gemaak het in die finale ronde van The...

Load More